अल्पवयीन मुलाने शाळकरी मुलाची केली हत्या..

भंडारा :-भंडारा शहरातून आज,मंगळवार १८ ऑगस्ट रोजी सायंकाळच्या सुमारास एक धक्कादायक घटना उघडकीस आली असून एका शाळकरी मुलाच्या हत्येने संपूर्ण शहर हादरून गेला आहे.सदरची घटना ही भंडारा शहरातील मेंढा भागात घडली.विशेष म्हणजे,ज्या मुलाची हत्या करण्यात आली व आरोपी हे दोघेही एकाच वयाचे असून एकाच भागातील रहिवासी आहेत.अंशू(हंस) गजानन येरकडे वय १५ वर्षे असे मृतक मुलाचे नाव असून तो भंडारा शहरातील भागीरथा भास्कर शाळेत इयत्ता नवव्या वर्गात शिकत होता.तर संशयीत आरोपी १५ वर्षाचा असून हत्येनंतर आरोपीने थेट पोलीस ठाण्यात जाऊन आत्मसमर्पण केले.आरोपी मुलाने लोखंडी हत्याराने अंशूची हत्या केली.मात्र,हत्येचे कारण अद्याप स्पष्ट झाले नसून पोलिसांकडून चौकशी सुरू आहे.