अज्ञात इसमाने धारदार शस्त्राने झोपेतच चिरला गळा; ३५ वर्षीय तरुणाचा खून..!

चंद्रपूर :- जिल्ह्याच्या सिंदेवाही तालुक्यात एक धक्कादायक घटना आज,शुक्रवार १९ सप्टेंबर रोजी उघडकीस आली.अज्ञात इसमाने एका ३५ वर्षीय तरुणाचा राहत्या घरी झोपेतच धारदार शस्त्राने गळा चिरून हत्या केल्याचे आज सकाळच्या सुमारास उघडकीस आले.राजू आनंदराव सिडाम वय ३५ वर्षे,रा.मोहाळी,ता.सिंदेवाही,जि.चंद्रपूर असे खून झालेल्या तरुणाचे नाव असून तो अवैध दारू विक्रीचा व्यवसाय करत होता.

घटनेच्या दिवशी राजू सिडाम हा एकटाच घरी होता. मध्यरात्रीच्या सुमारास अज्ञात इसमाने झोपेतच त्याचा धारदार शस्त्राने गळा चिरला.आज सकाळी शेजारील नागरिकांनी जाऊन बघीतल्याने घरात मृतदेह आढळून आला.लागलीच नागरिकांनी सिंदेवाही पोलिसांना माहिती दिली.घटनेची माहिती मिळताच सिंदेवाही पोलिसांनी घटनास्थळी धाव घेत पंचनामा केला.त्यानंतर मृतदेह उत्तरीय तपासणीसाठी रुग्णालयात पाठविण्यात आला.सिंदेवाही पोलिसांकडून तीन संशयितांना ताब्यात घेण्यात आले असून पुढील चौकशी सुरू आहे.