लग्नाच्या स्वागत समारंभासाठी गेली ‘ती’ परतलीच नाही; १८ वर्ष व्हायला अवघे १५ दिवस होते बाकी..

गोंदिया :-पाच दिवसांपूर्वी घरा शेजारी असलेल्या एका लग्नाच्या स्वागत समारंभासाठी गेलेली अल्पवयीन मुलगी अजूनपर्यंत घरी परतली नसल्याने कुटुंबीयांना मुलीची चिंता सतावत आहे.विशेष म्हणजे,मुलगी केवळ १७ वर्षे ११ महिने १५ दिवसांची असून तिने नुकतीच बारावीची परीक्षा उत्तीर्ण केली होती.बेपत्ता मुलगी गोरी,५ फूट उंचीला,सडपातळ बांधा,अंगात हिरव्या रंगाची कुर्ती व काळ्या रंगाची लेगिज,केस काळे व लांब,कानात टॉप्स परिधान केली असून १६ मे बेपत्ता झालेल्या मुलीचा १७ मे पर्यंत  कोणताही ठावठिकाणा लागला नाही.त्यामुळे अज्ञात व्यक्तीने तिला आमिष दाखवून फुस लावून पळवून नेल्याची तक्रार पोलिसांत करण्यात आली आहे. या प्रकरणी सालेकसा पोलिसांनी भारतीय न्याय संहिता कलम १३७ अन्वये गुन्हा दाखल केला आहे.सदरची घटना गोंदिया जिल्ह्याच्या सालेकसा तालुक्यातील तिरखेडी गावात उघडकीस आली असून पोलिसांकडून मुलीचा शोध घेतला जात आहे.