तारेवर ओले कपडे वाळवायला गेली अन् क्षणात जीव गमावून बसली..

कुरखेडा(गडचिरोली):-घरातील कपडे धुवून घराशेजारी असलेल्या विद्युत खांबाच्या बाजूला असलेल्या अर्तींग तारेवर ओले कपडे वाळवतांना विद्युतचा जोरदार शॉक लागून एका ४५ वर्षीय महिलेचा दुर्दैवी मृत्यू झाल्याची घटना कुरखेडा तालुक्यात उघडकीस आली आहे.प्रभा दिनकर मडकाम वय ४५ वर्षे,रा.टेकडीटोला(गुरनोली), ता.कुरखेडा,जि.गडचिरोली असे मृतक महिलेचे नाव आहे.

कुरखेडा तालुक्याच्या टेकडीटोला येथील रहिवासी

प्रभा मडकाम या नेहमीप्रमाणे काल रविवारच्या दुपारी घरातील कपडे धुवून घराशेजारी असलेल्या विद्युत खांबाच्या बाजूला असलेल्या अर्तींग तारेवर ओले कपडे वाळवायला गेल्या.ओले कपडे तारेवर टाकणार,तोच तारेवर विद्युत प्रवाह असल्याने प्रभा यांना विजेचा जोरदार शॉक लागला.यात त्या जागीच बेशुद्ध पडल्या. सदरचा प्रकार निदर्शनास येताच परिसरातील नागरिकांनी त्यांना तात्काळ चारचाकी वाहनाने कुरखेडा उपजिल्हा रुग्णालयात दाखल केले.मात्र,रुग्णालयातील डॉक्टरांनी तपासणी अंती प्रभा यांना मृत घोषित केले. क्षणात होत्याचे नव्हते झाल्याने मडकाम कुटुंबियांवर मोठा आघात झाला आहे.