जलाशयात फिरायला गेलेल्या तरुणांची बोट उलटली; दोन तरुणांचा बुडून मृत्यू..

बरबसपुरा येथील ९ मित्र आज बुधवारी बोदलकसा येथील जलाशय परिसरात सहलीसाठी गेले होते.यात मोहित रहांगडाले,कुणालभोंडे,अक्षय बिसेन,राकेश लाडे,निखिल पटले,लकी रहांगडाले,प्रलय पारधी,मनीष कोकुडे आणि अविनाश टेकम यांचा समावेश होता. दुपारच्या सुमारास ९ मित्र जलाशयात बोटीद्वारे फेरफटका मारून आनंद घेत असतांनाच अचानकपणे बोट उलटली.बोट उलटताच सर्व तरुण जलाशयातील पाण्यात बुडू लागले.दरम्यान,सात जण पोहत-पोहत सुखरूप बाहेर पडले.मात्र,दोघे जण पाण्यात बुडाले. माहिती मिळताच आपत्ती व्यवस्थापन आणि स्थानिक प्रशासनाची पथके घटनास्थळी दाखल झाली आणि बेपत्ता तरुणांचा शोध सुरू केला.उशिरापर्यंत दोन्ही तरुणांचा शोध सुरू होता.घटनेमुळे मृतांच्या कुटुंबावर दुःखाचा डोंगर कोसळला असून संपूर्ण परिसरात मोठी हळहळ व्यक्त केली जात आहे.