रस्त्याच्या कडेला मृतावस्थेत आढळून आले अस्वल…

गोंदिया :-अर्जुनी मोरगाव ते साकोली मार्गावर निमगाव परिसरात आज,११ ऑगस्टला सकाळच्या सुमारास रस्त्याच्या कडेला अस्वल मृतावस्थेत पडून असल्याचे नागरिकांना दिसून आले.याची माहिती निमगाव येथील नागरिकांनी अर्जुनी मोरगाव वनविभागाला दिली.घटनेची माहिती मिळताच वनपरिक्षेत्राधिकारी सचिन कटरे यांनी ताफ्यासह घटनास्थळ गाठून पाहणी केली.सदर अस्वलाचे वय अंदाजे ५ वर्षे असून अज्ञात वाहनाच्या धडकेत पहाटे  मृत्यु झाल्याचे प्राथमिक अंदाज वर्तविण्यात येत आहे.यावेळी घटनास्थळाचा पंचनामा करून मृत अस्वलाचे शवविच्छेदन करण्यात आले. यावेळी नवेगावबांधचे प्रकाष्ठ निष्कासन अधिकारी एस.जी.अवगान यांच्या समक्ष पशुवैद्यकीय अधिकारी डॉ.समीर शेंदरे यांनी उत्तरीय तपासणी केली.यावेळी मृत अस्वलाचे नमुने पुढील तपासाकरीता घेण्यात आले आहेत.शवविच्छेदन झाल्यावर अस्वलावर अर्जुनी मोरगाव येथील वन आगारात अंत्यसंस्कार करण्यात आले.