माहूरगडच्या श्री रेणुका माता शक्तिपीठातून दिव्य ज्योत आणण्यासाठी चोपचे भक्त रवाना..

देसाईगंज(गडचिरोली):-नवरात्रोत्सवानिमित्त श्री रेणुका माता शक्तिपीठ,माहूरगड येथून पवित्र दिव्य ज्योत आणण्यासाठी देसाईगंज तालुक्यातील सार्वजनिक दुर्गा उत्सव मंडळ,चोपचे भक्त आज,शनिवार १० ऑक्टोंबरला रवाना झाले.गेल्या ४० वर्षांपासून धार्मिक आणि सामाजिक उपक्रमांची परंपरा जपणाऱ्या मंडळाने यंदा दिव्य ज्योत आणण्याचा संकल्प केला आहे.या पवित्र कार्यासाठी चोप येथील शुभम नागपूरकर,भाऊराव पालांदुरकर, विनोद डोंगरवार आणि गोविंद बनपूरकर हे भक्त माहूरगडच्या दिशेने रवाना झाले.यावेळी शिवम नागपूरकर,विश्वा बावणे,निलेश राऊत,अंगराज महाराज, तिलक गायकवाड,कुंदन बावणे,तुशांत उईके आणि सुनील गेडाम यांच्यासह मंडळाचे पदाधिकारी,सदस्य व ग्रामस्थ उपस्थित होते.त्यांनी रवाना झालेल्या भक्तांना शुभेच्छा दिल्या.नांदेड जिल्ह्यातील माहूर तालुक्यात सह्याद्रीच्या पर्वतरांगांमध्ये डोंगरावर वसलेले श्री रेणुका माता शक्तिपीठ,माहूरगड हे महाराष्ट्रातील साडेतीन शक्तिपीठांपैकी एक मूळ जागृत शक्तिपीठ मानले जाते.

• उद्याला देसाईगंज आणि चोप येथे दिव्य ज्योतीचे होणार भव्य स्वागत👇

माहूरगड येथून आणण्यात येणारी दिव्य ज्योत उद्या रविवारी सकाळी ८ वाजता देसाईगंज येथे पोहोचणार आहे.हनुमान मंदिराच्या प्रवेशद्वाराजवळ,अरुण राजगिरे यांच्या घराशेजारी दिव्य ज्योतीचे स्वागत करण्यात येणार आहे.त्यानंतर सकाळी १० वाजता चोप येथे दिव्य ज्योतीचे भव्य स्वागत करून गावातून रॅली काढण्यात येणार आहे.दिव्य ज्योतीच्या आगमनाची ग्रामस्थ आणि भाविकांना उत्सुकता असून,या धार्मिक उपक्रमामुळे गावातील नवरात्रोत्सवाचा उत्साह अधिक वाढणार आहे.