नाना पटोले यांना मातृशोक; ९० व्या वर्षी वृद्धापकाळाने निधन..

उद्रेक न्युज वृत्त :-महाराष्ट्र काँग्रेस प्रदेशाध्यक्ष नाना पटोले यांच्या आई मीराबाई फाल्गुनराव पटोले यांचे

वयाच्या ९० व्या वर्षी आज,रविवार २९ डिसेंबरला

पहाटे वृद्धापकाळाने निधन झाले.मीराबाई यांच्या निधनाने पटोले कुटुंबियांवर शोककळा पसरली. मीराबाई पटोले यांच्या पार्थिवावर आज रविवारी दुपारी २ वाजताच्या सुमारास भंडारा जिल्ह्याच्या सुकळी,ता.साकोली येथे अंत्यसंस्कार पार पडले. मीराबाई यांच्या निधनामुळे पटोले कुटुंबियांना आधार देण्यासाठी स्थानिक नागरिक आणि काँग्रेस पक्षाचे कार्यकर्ते मोठ्या संख्येने सुकळी येथे उपस्थित होते. मीराबाई पटोले यांचे निधन हे नाना पटोले यांच्यासाठी मोठा भावनिक धक्का आहे.आईने दिलेल्या संस्कारांमुळेच नाना पटोले यांनी आपल्या राजकीय प्रवासात मोठी उंची गाठली,असे सांगितले जाते.