क्षुल्लक कारणावरून बाराव्या वर्गात शिक्षण घेणाऱ्या विद्यार्थ्याने गळफास लावून केली आत्महत्या…

भंडारा :-क्षुल्लक कारणावरून मुलाने गळफास लावून आत्महत्या केल्याची घटना डोंगरला येथे काल, गुरुवारी दुपारी २ वाजताच्या सुमारास उघडकीस आली.आयुष सुखलाल बघेले वय १७ वर्षे,रा.डोंगरला, असे मृताचे नाव आहे.त्याच्या आत्महत्येचे गूढ अद्यापही कायम आहे.

आयुष हा तुमसर येथील इंदुताई शाळेतील विज्ञान शाखेच्या १२ व्या वर्गाचा विद्यार्थी होता.आयुष बघेले हा गुरुवारी तुमसर येथे महाविद्यालयात गेला होता. दुपारी १२:३० ते १ वाजे च्या दरम्यान तो महाविद्यालयातून डोंगरला येथील राहत्या घरी परतला.काही वेळ घरात घालवल्यानंतर तो दुसऱ्या माळ्यावर गेला.अभ्यासाकरिता तो वरच्या खोलीत जायचा.मात्र,घटनेच्या दिवशी उशिरापर्यंत खाली न आल्याने घरच्यांनी जाऊन बघितले असता आयुष दोराच्या सहाय्याने गळफास घेतलेल्या अवस्थेत आढळून आला.माहिती मिळताच तुमसर पोलिसांनी घटनास्थळ गाठून मृतदेह उत्तरीय तपासणीकरिता तुमसर उपजिल्हा शासकीय रुग्णालयात रवाना केले.

घनांमध्ये वाढ👇

आणखी एकजण एका अश्लील फेक कॉलचा बळी पडून तुमसर येथील पिंकू ऊर्फ शांतनू शिवबालक चाचिरे वय ३२ वर्षे,रा.तिलक वॉर्ड,देव्हाडी याने  माडगी पुलावरून वैनगंगेत उडी घेऊन आत्महत्या केली होती.९ दिवसांचा कालावधी लोटूनदेखील पिंकूचा मृतदेह अद्यापही करडी पोलिसांना गवसला नाही.त्यात अल्पवयीन आयुषच्या आत्महत्येमुळे तालुक्यात अनुचित घटनांमध्ये वाढ होताना दिसत आहे.आयुषने घेतलेल्या टोकाच्या भूमिकेमध्ये तांत्रिक फ्रॉड,शाळेचे अँगल,मित्रांच्या सहवासातील नजीकच्या घटना या सर्व बाबी तुमसर पोलिस तपासात घेणार असल्याची माहिती आहे.