कामात कुचराई केल्यास विनाविलंब थेट शिस्तभंगाची कारवाई – मंत्री चंद्रशेखर बावनकुळे

नागपूर :-कामात कुचराई,दिरंगाई न करता जनता- जनार्दन यांचेशी समन्वय साधून योग्यरीत्या कामे पार पाडावी तसेच राज्यातील महसूल यंत्रणा लोकाभिमुख

करण्यासाठी महसूल मंत्री चंद्रशेखर बावनकुळे यांनी थेट परिपत्रक जारी करून जिल्हाधिकाऱ्यांनी महिन्यातून एकदा व उपविभागीय अधिकारी आणि तहसीलदार यांनी दोनवेळा आपल्या क्षेत्रात दौरा करून आपल्या विभागातील शासकीय ध्येयधोरणे व योजना जनतेपर्यंत पोहोचतात की नाही,याचा वस्तुनिष्ठ अहवाल द्यावा; असे म्हटले आहे.या कामात कोणी कुचराई केल्यास शिस्तभंगाची कारवाई विनाविलंब केली जाईल,असेही बजावण्यात आले आहे.महसूल मंत्री बावनकुळे यांनी महसूल विभागातील वरिष्ठ अधिकाऱ्यांची बैठक घेऊन मुख्यमंत्री देवेंद्र फडणवीस यांना परिपत्रकाबद्दलची संपूर्ण माहिती दिली.जारी करण्यात आलेल्या परिपत्रकात मुख्यमंत्र्यांच्या या संदर्भातील निर्देशांचा स्पष्ट उल्लेख केला आहे.या भेटदौऱ्यांचे मॉनिटर करण्यासाठी ऑनलाइन प्रणाली तयार करून त्याद्वारे दौऱ्याचे नियोजन करून विभागीय आयुक्त कार्यालयाने या संदर्भात समन्वय राखावा अशाही सूचना दिल्या आहेत.