उद्रेक न्युज वृत्त
देसाईगंज :- मकर संक्रांत दिनाचे औचित्य साधून काल,१५ जानेवारी रोजी आदर्श इंग्लिश हायस्कूल तथा कनिष्ठ महाविद्यालय देसाईगंजच्या वतीने वैनगंगा नदीवर पर्यावरण संवर्धन व स्वच्छता उपक्रम राबविण्यात आले.यात स्काऊट गाईडच्या व कनिष्ठ महाविद्यालयाच्या विद्यार्थिनींनी नदीवर फराळ घेऊन आलेल्या बंधू भगिनींना कचरा न करण्याचे आवाहन केले.तसेच पर्यावरण संवर्धन व स्वच्छतेचे धडे देऊन फराळांचा झालेला सुका व ओला केरकचरा विद्यालयाच्या वतीने तयार करण्यात आलेल्या कचराकुंडीतच टाकून घेतला आणि नदीपात्रातील स्वच्छता केली.याप्रसंगी आदर्श इंग्लिश हायस्कूल तथा कनिष्ठ महाविद्यालयाचे प्राचार्य प्रा.डी.डी शिंगाडे, स्काऊट मास्टर मिलिंद उईके,विनोद चौधरी,गाईड कॅप्टन जयश्री लांजेवार,सुरेखा कोल्हे,चेतना वझाडे, मेघा शेंद्रे,मोनाली बडोले,योगिता महाजन,प्रा.पल्लवी रामटेके, प्रा.आशिष शर्मा,प्रा.पंकज धोटे,प्रा.प्रदीप कुथे,प्रा.लोमेश देशमुख,प्रा.मंगेश रणदिवे तसेच शिक्षकेत्तर कर्मचारी प्रमोद राऊत,सतीश खरकाटे, शामराव मेश्राम आदींनी स्वच्छता मोहीम यशस्वी करण्याकरिता सहकार्य केले.
