आज १५ नक्षलवाद्यांचे आत्मसमर्पण..

उद्रेक न्युज वृत्त :-नुकतेच तीन राज्याचा विशेष क्षेत्रीय समिती म्हणजेच एमएमसी झोनचा नक्षली प्रवक्ता अनंत याने २२ नोव्हेंबर २०२५ रोजी महाराष्ट्र,मध्यप्रदेश व छत्तीसगड या तीन राज्यांच्या मुख्यमंत्र्यांना एक विनंती पत्र लिहून सामूहिक आत्मसमर्पण आणि शस्त्रे खाली ठेवण्यासाठी १५ फेब्रुवारी २०२६ पर्यंतची मुदत मागितली आहे.कारण की,पूर्वी प्रमाणे नक्षली संघटना राहिलेली नसून तिचा नायनाट होऊ लागला आहे.नक्षली संघटनेत काम करणाऱ्या अनेकांना आता कळलेय की आपण काय करतोय आणि कुणासाठी करतोय,त्यामुळे शांतीच्या मार्गाशिवाय आता पर्याय उरलेला नसल्याचे नक्षलवाद्यांच्या लक्षात येऊ लागल्याने अनेकजण शस्त्रे खाली ठेवण्याचा निर्णय घेत आहेत.अश्याच प्रकारे आज,सोमवार २४ नोव्हेंबरला छत्तीसगडच्या सुकमा जिल्ह्यात तब्बल १५ नक्षलवाद्यांनी पोलिसांपुढे आत्मसमर्पण करून शस्त्रे खाली ठेवली आहेत. आत्मसमर्पण केलेल्यांमध्ये ४ जहाल नक्षलवाद्यांचा समावेश असून संपूर्ण १५ नक्षलवाद्यांवर एकूण ४७ लाख रुपयांचे बक्षीस जाहीर करण्यात आले होते.विशेष म्हणजे,यात पाच महिला नक्षलवाद्यांचाही समावेश आहे.