आंधळी-नवरगाव येथे माजी विद्यार्थी सभा उत्साहात संपन्न…

कुरखेडा(गडचिरोली):-कुरखेडा तालुक्याच्या आंवान हायस्कूल,आंधळी-नवरगाव येथे माजी विद्यार्थ्यांची सभा मोठ्या उत्साहात पार पडली.या सभेच्या प्रसंगी प्रमुख पाहुणे म्हणून आंधळीचे उपसरपंच अप्रव भैसारे उपस्थित होते.आपल्या मार्गदर्शनपर भाषणात त्यांनी शाळेच्या सर्वांगीण विकासासाठी माजी विद्यार्थ्यांची सभा नियमितपणे आयोजित करण्यात यावी तसेच विविध नाविन्यपूर्ण उपक्रम राबवावेत,असे आवाहन केले.सभेचे अध्यक्षस्थान शाळेचे मुख्याध्यापक ज्ञानेश्वर सोनवणे  यांनी भूषविले.त्यांनी माजी विद्यार्थी संघटनेचे शाळेच्या प्रगतीतील महत्त्व स्पष्ट करून,माजी विद्यार्थ्यांच्या सक्रिय सहभागामुळे शाळेला नवी दिशा मिळू शकते,असे मत व्यक्त केले.या कार्यक्रमास उपस्थित शिक्षक जनार्धन मस्के,प्रकाश हजारे, लिपिक निखिल डोरलीकर,परिचर लांजेवार,परिचर फुले यांची उपस्थिती लाभली.सभेचे संचालन शिक्षिका चारुलता वालदे यांनी केले तर आभार प्रदर्शन शिक्षक किशोर मेश्राम यांनी केले.

यावेळी माजी विद्यार्थी प्रभुदास नागोसे,अमरदीप भैसारे, प्रेम भोंडे,रोहित जांभुळकर,प्रीतम भैसारे,अमित बोदेले, पराग विहीरघरे,रुपेश बोदेले,विक्की वलके यांच्यासह अनेक माजी विद्यार्थी उपस्थित होते.सदर सभा सौहार्दपूर्ण वातावरणात पार पडून शाळा व माजी विद्यार्थ्यांमधील नातेसंबंध अधिक दृढ झाले.