अखेर इटियाडोह धरणाच्या कालव्यात वाहून गेलेल्या मुलाचा मृतदेह दुसऱ्या दिवशी सापडला..

गोंदिया :-जिल्ह्याच्या अर्जुनी-मोरगाव तालुक्यातील

 कन्नडगाव-वडेगाव स्टेशन येथील १४ वर्षीय मुलगा मित्रांसोबत शुक्रवारी गावालगत असलेल्या इटियाडोह धरणाच्या कालव्यात आंघोळीसाठी गेले गेले असता, आंघोळ करतांना आर्यन प्रमोद शहारे हा पाण्याचा प्रवाह जास्त असल्याने वाहून गेला होता.आर्यन वाहून गेल्याची माहिती त्याच्या सहकारी मित्रांनी घरच्यांना दिली होती.त्यानुसार अर्जुनी-मोरगाव पोलिसांनी तसेच ग्रामस्थांनी घटनेच्या दिवशीच शोधमोहीम राबवली. मात्र,अंधार पडल्याने शोधमोहीम थांबविण्यात आली. त्यानंतर दुसऱ्या दिवशी म्हणजेच काल,शनिवारी इटियाडोह धरणाच्या कालव्यात शोधमोहीम राबवली असता आर्यनचा मृतदेह वडेगावपासून ३९ किलोमिटर अंतरावर आढळून आला.आर्यनचा मृतदेह आढळताच त्याच्या आई-वडिलांनी घटनास्थळी एकच टाहो फोडला.