कुरखेडा शहरात ईद निमित्त गणेश भक्तांकडून सर्वधर्म समभावाचे संदेश..

कुरखेडा(गडचिरोली):-सर्वधर्म समभाव हा कुरखेडा शहराचा मूळ स्वभाव असून शहरातील सर्व धर्मीय नागरिक गुण्या-गोविंदाने नांदत एकमेकांच्या सनोत्सवात उत्साहाने सहभागी होत असतात.याचाच परिचय आज,सोमवार १६ सप्टेंबरला मुस्लिम बांधवांच्या ईद-ए-मिलादुन्नबी सना निमित्त कुरखेडा शहरात पहावयास मिळाला.शहरातून निघालेली मुस्लिम बांधवांची मिरवणूक राणा प्रताप वार्डातील श्री गणेश उत्सव मंडळाच्या पेंडाल समोर पोहचताच येथील मंडळाच्या वतीने मुस्लिम समाज बांधवाची गळाभेट घेत स्वागत करून सर्वांना ईदच्या शुभेच्छा देण्यात आल्या.सोबतच शरबतचे वितरण करीत एकप्रकारे सर्वधर्म समभावाचे संदेश देण्यात आले.

या प्रसंगी शिवसेना उबाठा गटाचे तालूका प्रमुख तथा नगरसेवक आशिष काळे,श्री गणेश मंडळाचे अध्यक्ष हेमंत नरोटे,सचिव भावेश मुंगणकर,उपाध्यक्ष सागर पडोळे,अमोल नरोटे,इम्रान पठान,बाळू देशमुख, आकाश देशमुख,राजू देशमुख,उमेश मूंगणकर, पूरषोत्तम मुंगनकर,अतूल चौहान,उस्मान पठान,ए.यु. मेश्राम,क्रीष्णा मेश्राम,ओंकार नैताम,प्रविण नैताम, कूणाल रोकडे,हरीश मडावी तसेच गणेश भक्त मंडळी व मुस्लिम समाज बांधव उपस्थित होते.