देसाईगंज येथे आज होणारा शिवप्रेमींचा निषेध मोर्चा येत्या ९ सप्टेंबर रोजी…

देसाईगंज(गडचिरोली) :-मालवण राजकोट येथील छत्रपती शिवाजी महाराजांचा पुतळा कोसळून झालेल्या शिवरायांच्या अवमानना विरोधात देसाईगंज शहरात आज होणारा निषेध मोर्चा काही कारणास्तव पुढे ढकलण्यात आलेला आहे.छत्रपती शिवाजी महाराजांचा पुतळा अवघ्या काही महिन्यांतच कोसळला असल्याने राज्याचे मुख्यमंत्री,उपमुख्यमंत्री व बांधकाम मंत्री यांनी राजीनामा द्यावा; छत्रपती शिवरायांचा अवमान खपवून घेतल्या जाणार नाही. यासाठी आजच्या मोर्चामध्ये राजकीय पक्षाचे पदाधिकारी,सामाजिक संस्था,विविध कार्यकर्त्यांसह शिवप्रेमी सहभागी होणार होते.मात्र,आज उपमुख्यमंत्री अजित पवार यांचा गडचिरोली दौरा असल्याने पोलीस प्रशासनाने सदरील मोर्चा पुढे ढकलण्यात यावा; अशी मागणी रेटून धरल्याने सदरचा मोर्चा येत्या सोमवारी म्हणजेच ९ सप्टेंबर रोजी होणार असल्याने मोर्चात मोठ्या संख्येने,जास्तीत जास्त शिवप्रेमींनी सहभाग नोंदविण्याचे आवाहन करण्यात आले आहे.