उद्रेक न्युज वृत्त
आरमोरी(गडचिरोली) :- आरमोरी तालुक्याच्या वैरागड येथील माजी तंटामुक्ती समिती अध्यक्ष खुशाल हरी सावरकर वय ६२ वर्षे, रा.कुंभार मोहल्ला याने वैरागड येथील घराशेजारी भांडी घासत असणाऱ्या युवतीला अश्लील इशारे करून विनयभंग केल्याची घटना शुक्रवार,१४ जून रोजी सायंकाळी पाच वाजेच्या सुमारास घडली असून माजी तंटामुक्ती समिती अध्यक्षासआरमोरी पोलिसांनी १५ जून रोजी अटक केली.
सविस्तर वृत्त असे की,वैरागड येथील पीडित युवती ही शुक्रवार,१४ जून रोजी सायंकाळी पाच वाजता आपल्या घराशेजारी भांडी घासत असताना ती एकटीच असल्याचे पाहून आरोपी हा तिच्याजवळ काही अंतरावर गेला.तेथे उभा राहून त्याने पहिल्यांदा युवतीचे लक्ष वेधले.त्यानंतर युवतीला लज्जा वाटेल असे अश्लील इशारे करीत तिचा विनयभंग केला; अशी तोंडी जबानी पीडितेने आरमोरी पोलिस स्टेशनमध्ये दिली.त्यानुसार आरोपी खुशाल सावरकर याच्यावर गुन्हा नोंद करून त्याला १५ जून रोजी अटक करण्यात आली.त्याला आरमोरी न्यायालयात हजर केले असता न्यायालयाने त्याची जामिनावर सुटकासुद्धा झाली आहे.विशेष म्हणजे,यापूर्वीही सदर आरोपीने एका महिलेचा विनयभंग केला होता.
