भरधाव ट्रॅक्टरची दुचाकीला धडक; तरुणाचा मृत्यू..

लोमेश राऊत हा काही कामानिमित्त लाखांदूरला गेला होता.तेथील कामे आटोपून सायंकाळच्या सुमारास  दुचाकीने स्वगावी जात असतांनाच लाखांदूर-पवनी मार्गावरील परसोडी(नाग)गावाजवळ एका अनियंत्रित  भरधाव ट्रॅक्टरने त्याच्या दुचाकीला जोरदार धडक दिली.सदरचा प्रकार नागरिकांच्या निदर्शनास येताच घटनास्थळी धाव घेत बचावकार्य सुरू करून पोलिसांना पाचारण केले.अज्ञात वाहन धडक देऊन पसार झाला. दरम्यान,लोमेशला रुग्णालयात दाखल केले असता डॉक्टरांनी तपासणी अंती त्याला मृत घोषित केले.घटनेने परिसरात हळहळ व्यक्त केली जात असून पोलिसांकडून पुढील कायदेशीर तपास सुरू करण्यात आला आहे.