तरुणाची हत्या; चार अल्पवयीन मुले अटकेत..

भंडारा :-शहराच्या पोलीस स्टेशन पासून हाकेच्या अंतरावर असलेल्या जलाराम चौक परिसरात काल शुक्रवारच्या मध्यरात्री घडलेल्या हत्याकांडाने परिसरात एकच खळबळ माजली.कार्तिक विलास भंडारी वय २८ वर्षे,रा.संताजी वॉर्ड,भंडारा असे हत्या झालेल्या मृतक तरुणाचे नाव आहे.तर प्रकरणातील  आरोपी हे अल्पवयीन असून पोलिसांनी काही तासांतच चार अल्पवयीन आरोपींना ताब्यात घेऊन  त्यांच्यावर कलम १०३ (१),१८९(४),१९०,१९१(२) व १९१(३)अंतर्गत गुन्हा दाखल करण्यात आला आहे.सदरची कारवाई जिल्हा पोलिस अधीक्षक नुरुल हसन आणि अतिरिक्त पोलिस अधीक्षक निलेश मोरे यांच्या मार्गदर्शनाखाली आणि उपविभागीय पोलिस अधिकारी विलास काळे यांच्या नेतृत्वात पोलिस निरीक्षक उल्हास भुसारी व पथकाने केली. आरोपींनी भंडारा शहराच्या जलाराम चौक परिसरात जुन्या वादातून कार्तिक भंडारी याचेवर धारदार शस्त्रांसह लाठ्या-काठ्यांनी मारहाण केली.या हल्ल्यात कार्तिक गंभीर जखमी झाला.रक्ताच्या थारोळ्यात पडलेल्या कार्तिकला नागरिकांच्या मदतीने तातडीने रुग्णालयात हलविण्यात आले.मात्र, उपचारादरम्यान डॉक्टरांनी त्याला मृत घोषित केले होते.