सलग चार दिवस बँका राहणार बंद..!

उद्रेक न्युज वृत्त :-केंद्र शासन व राज्य शासनाच्या विविध कार्यालयात शासकीय कर्मचाऱ्यांसाठी पाच दिवसांचा आठवडा लागू करण्यात आला आहे.मात्र, अद्याप बँक अधिकारी,कर्मचाऱ्यांसाठी दुसऱ्या व चौथ्या शनिवारव्यतिरिक्त सुट्टी जाहीर करण्यात आली नसल्याने केवळ बँकेच्या नोकरदरांवरच अन्याय कां?असा संतप्त सवाल उपस्थित करत बँकिंग क्षेत्रात पाच दिवसांचा आठवडा लागू करण्याच्या मागणीसाठी युनायटेड फोरम ऑफ बँक युनियन्सच्यावतीने (युएफबीयू)येत्या,मंगळवार २७ जानेवारी रोजी अखिल भारतीय बँक संप पुकारण्यात आल्याने उद्याचा चौथा शनिवार,रविवार आणि सोमवार प्रजासत्ताक दिनाची सुट्टी व मंगळवारी संप,असे मिळून सलग चार दिवस बँका बंद राहणार आहेत.बँक संपामध्ये देशभरातील लाखो बँक कर्मचारी व अधिकारी सहभागी होणार आहेत.युनायटेड फोरम ऑफ बँक युनियन्समध्ये बँक कर्मचारी व अधिकाऱ्यांच्या नऊ प्रमुख संघटनांचा समावेश असून सार्वजनिक,खासगी, विदेशी,प्रादेशिक ग्रामीण तसेच सहकारी बँकांमधील कर्मचारी या संपात सहभागी होणार आहेत.बँकिंग क्षेत्रात आठवड्याला कामकाजाचे पाच दिवस लागू करावेत तसेच सध्या सुट्टी असलेल्या दुसऱ्या व चौथ्या शनिवारव्यतिरिक्त उर्वरित सर्व शनिवार सुट्टी जाहीर करावी,ही या संपामागील प्रमुख मागणी आहे.