लाडक्या बहिणींसाठी आनंदाची बातमी; ऑक्टोंबर महिन्याची प्रतीक्षा संपली..!

उद्रेक न्युज वृत्त :-मुख्यमंत्री-माझी लाडकी बहीण योजनेतील पात्र लाभार्थी महिलांची ऑक्टोंबर महिन्याची अखेर प्रतीक्षा संपली असून महाराष्ट्र राज्याच्या महिला व बालविकास मंत्री आदिती तटकरे यांनी मागील महिन्याचे दीड हजार रुपये उद्या,मंगळवार ४ नोव्हेंबर पासून खात्यात जमा करण्यात येणार असल्याची अधिकृत घोषणा केली आहे.म्हणजेच काही महिलांच्या खात्यात उद्याला दीड हजार रुपये जमा होणार आहेत,तर उर्वरित पात्र लाभार्थ्यांना दोन ते तीन दिवसांत रक्कम जमा होणार आहे.याचे कारण म्हणजे,लाभार्थींची संख्या जास्त असल्याने रक्कम जमा होण्यासाठी काही अवधी लागत असतो.ऑक्टोंबर महिन्यातील दीड हजार रुपये सर्व पात्र लाभार्थ्यांना मिळणार आहे; पण १८ नोव्हेंबर २०२५ पूर्वी सर्व लाभार्थ्यांनी ई-केवायसी करून घ्यावी,असेही मंत्री आदिती तटकरे यांनी स्पष्ट केले आहे.