किरकोळ वाद ठरला तरुणाच्या खुनाचे कारण; सहा आरोपी अटकेत..!

चंद्रपूर :-किरकोळ वादाच्या कारणावरून तब्बल सहा युवकांनी मिळून एका २७ वर्षीय तरुणाचा खून केल्याची घटना आज,गुरुवार २३ ऑक्टोंबर रोजी चंद्रपूर शहराच्या विधी महाविद्यालय समोरील परिसरात घडली असून घटनेने परिसरात एकच खळबळ उडाली.नितेश वासुदेव ठाकरे वय २७ वर्षे रा.बेताल चौक,वॉर्ड क्रमांक-१ दुर्गापूर चंद्रपूर असे खून झालेल्या तरुणाचे नाव असून तो शहराच्या विधी महाविद्यालय समोरिल परिसरात मृतावस्थेत पडून होता.घटनेची माहिती स्थानिक गुन्हे शाखेला तसेच रामनगर पोलिसांना मिळताच पथकासह घटनास्थळी दाखल झाले.घटनेचा पंचनामा करून पुढील तपास सुरू केला.लागलीच एका तासाच्या आत आरोपींचा शोध घेण्यात पोलिसांना यश आले.त्यानुसार सहाही आरोपींना ताब्यात घेत सदरचा खून हा किरकोळ वादाच्या कारणावरून केल्याचे आरोपींनी मान्य केले असून खून प्रकरणी २२ वर्षीय प्रतिक माणिक मेश्राम रा. , दुर्गापूर वार्ड क्रमांक-४,तौसिक अजीज शेख वय २३ वर्षे,रा.फातेमा मस्जिद जवळ,वार्ड क्र.३,दुर्गापूर,करण गोपाल मेश्राम वय २२ वर्षे,रा.भिमनगर,वार्ड क्र.४, दुर्गापूर,सुजीत जयकुमार गणविर वय २५ वर्षे, रा. भिमनगर, वार्ड क्र.४,दुर्गापूर,अनिल रामेश्वर बोंडे वय २२ वर्षे,रा.समता नगर,दुर्गापूर,यश छोटेलाल राऊत वय १९ वर्षे,रा.भिमनगर,वार्ड क्र.४,दुर्गापूर अशी अटक करण्यात आलेल्या सहा आरोपींची नावे आहेत.

प्रकरणी रामनगर पोलीस ठाण्यात खुनाचा गुन्हा दाखल करण्यात आला असून घटनेचा पुढील तपास रामनगर पोलीस प्रशासन करीत आहे.सदरची कारवाई एसपी मुमक्का सुदर्शन,अप्पर पोलीस अधीक्षक ईश्वर कातकडे यांच्या मार्गदर्शनाखाली स्थानिक गुन्हे शाखेचे पोलीस निरीक्षक अमोल काचोरे,रामनगर पोलीस ठाण्याचे पोलीस निरीक्षक आसिफराजा शेख यांचे नेतृत्वात एपीआय देवराव नरोटे,एपीआय दीपक कांक्रेडवार, एपीआय बलराम झाडोकार,पीएसआय विनोद भुरले, पीएसआय संतोष निंभोरकर,पीएसआय सर्वेश बेलसरे,पीएसआय सुनिल गौरकार,सहाय्यक फौजदार स्वामीदास चालेकर,पोलीस हवालदार सुभाष गोहोकार, इम्रान खान,नितीन साळवे,रजनीकांत पुठठावार,दीपक डोंगरे,अजय बागेसर यांनी केली.