अन् नाचता-नाचता स्टेजच तुटला; आमदारांसह कार्यकर्ते कोसळले खाली..

भंडारा :-जिल्ह्याच्या पवनी येथे नवरात्रोत्सव दिनाचे औचित्य साधून २६ सप्टेंबर पासून पाच दिवसीय “विदर्भ काशी पवनी महोत्सव” सुरू होता.पाच दिवसीय महोत्सव दरम्यान विविध कार्यक्रमांचे आयोजन करण्यात आले,ज्यात मॅरथॉन दौड,स्टँडिंग कॉमेडीचा बादशाह सुनील पाल व भजन गायक शहनाज अख्तर हे पवनी करीता आकर्षण ठरले.आज,मंगळवार ३० सप्टेंबर रोजी या महोत्सवाचे समारोप गरबा व दांडिया स्पर्धेने करण्यात आला.अश्यातच भंडारा विधानसभा क्षेत्राचे आमदार नरेंद्र भोंडेकर यांच्या वतीने पवनी शहरात शहनाज अख्तर यांच्या गाण्याचा कार्यक्रम आयोजित करण्यात आला होता.गाण्याचा कार्यक्रम सुरू असतांना आमदार व कार्यकर्ते स्टेजवर चढले व नाचत असतांनाच स्टेज तुटला.यात आमदार नरेंद्र भोंडेकर यांच्यासह काही कार्यकर्ते देखील खाली कोसळले.घटना घडताच उपस्थित पोलिस कर्मचारी तसेच कार्यकर्त्यांनी मदतीसाठी धाव घेतली.यात काही कार्यकर्त्यांना दुखापत झाली,तर आमदार भोंडेकर किरकोळ जखमी झाले.