ट्युशनसाठी घरी जाणाऱ्या अल्पवयीन विद्यार्थिनीवर लैंगिक अत्याचार; शिक्षकास बेड्या..!

चंद्रपूर :-नुकतेच काही दिवसांपूर्वी चंद्रपूर पंचायत समिती अंतर्गत येत असलेल्या एका शाळेतील शिक्षकाने अत्याचार केल्याची घटना ताजी असतांनाच ट्युशनसाठी घरी जाणाऱ्या अल्पवयीन विद्यार्थिनीवर लैंगिक अत्याचार केल्याची संतापजनक घटना उघडकीस आली आहे.राजेश दामोदर बट्टे वय ३४ वर्षे असे शिक्षकाचे नाव असून,तो बल्लारपूर शहरातील एका नामांकित शाळेत शिक्षक आहे.घटनेची माहिती पालकांना कळताच तक्रार दाखल केली.प्रकरणी बल्लारपूर पोलिस स्टेशन येथे अप.क्रं.५५६/२०२५ अन्वये भारतीय नवीन दंड संहिता अंतर्गत कलम ६४ (१),६४ (२)(फ),६५(२),१२७ (२),३५१(२) तसेच बालकांचे लैंगिक अपराधांपासून संरक्षण कायदा पोक्सो अंतर्गत कलम ४ व ६ नुसार गुन्हा दाखल करण्यात आला आहे.पोलिसांनी आरोपीला अटक करून न्यायालयात हजर केले असता त्याला एक दिवसाची पोलिस कोठडी सुनावण्यात आली आहे. प्रकरणाचा तपास बल्लारपूर पोलीस ठाण्याचे

पोलिस निरीक्षक बिपिन इंगळे यांच्या मार्गदर्शनाखाली महिला पोलिस उपनिरीक्षक करिश्मा बी.मोरे करीत आहेत.पीडित मुलगी ही शिक्षकाच्या घरी ट्युशनसाठी जात होती.यादरम्यान आरोपीने तिच्याशी शारीरिक संबंध प्रस्थापित केले.याची भनक कुटुंबीयांना लागताच तक्रार दाखल केली.ज्यांच्यावर विश्वास ठेवून पालक वर्ग आपल्या पाल्यांना ज्ञानार्जनासाठी पाठवतात,त्यांचेच शोषण केले जात असेल,तर एवढे मोठे पाप कसे फेडणार? घटनेमुळे पालकवर्गात संतापाचे वातावरण आहे.