गोसेखुर्द धरणातील पाण्याच्या विसर्गात वाढ; नागरिकांनी सतर्कता बाळगण्याचे आवाहन.. – गडचिरोली जिल्ह्यातील अद्याप सात मार्ग बंद..

गडचिरोली :-भंडारा जिल्ह्याच्या पवनी येथील वैनगंगा नदीवर असलेल्या गोसेखुर्द धरणाचे संपूर्ण ३३ दरवाजे उघडण्यात आले असून धरणाच्या पाणलोट क्षेत्रातील अतिवृष्टीमुळे धरणातील विसर्ग वाढवून ५ हजार ५८७ क्युमेक्स(१,९७,२८८ क्यूसेक्स) करण्यात आलेला आहे.पाण्याच्या प्रवाहानुसार (Inflows)नुसार विसर्गात पुन्हा वाढ होण्याची शक्यता आहे.त्यामुळे वैनगंगा नदीच्या पाणी पातळीमध्ये वाढ होत असल्याने नदीकाठावरील गावांतील नागरिकांनी आवश्यक ती काळजी घ्यावी व सतर्क राहावे.नदीपात्रात अवागमण करु नये,असे आवाहन गडचिरोली जिल्हा आपत्ती व्यवस्थापन प्रशासनाच्या वतीने करण्यात आले आहे.

•  पुरामुळे बंद असलेले मार्ग👇

१. हेमलकसा भामरागड राष्ट्रीय महामार्ग-१३० डी (पर्लकोटा नदी)तालुका-भामरागड

२. सिरोंचा असरअली जगदलपूर रस्ता राष्ट्रीय महामार्ग-६३ (वडधम गावादरम्यान)( हलक्या वाहनाकरिता वाहतूक सुरू आहे. जड वाहतूक बंद) तालुका-सिरोंचा

३. अहेरी वटरा रस्ता राज्यमार्ग ३७० (वटरा नाला)तालुका-अहेरी

४. कुरखेडा वैरागड रस्ता (सती नदी) राज्यमार्ग-३७७ तालुका-कुरखेडा

५. कढोली ते उराडी रस्ता प्रजिमा-७,तालुका-कुरखेडा

६. हलवेर कोठी रस्ता इजिमा-२४ तालुका-भामरागड

७. भेंडाळा बोरी गणपूर रस्ता प्रजिमा-१७ तालुका- चामोर्शी