पुराच्या पाण्यात वाहून गेलेल्या दोघांचे सापडले मृतदेह..

गडचिरोली :-जिल्ह्याच्या कुरखेडा तालुक्यातील सलंगटोला येथे नातेवाईकाच्या अंत्यसंस्कारासाठी गेलेले दोघेजण कोरचीला परत जात असतांना बेळगाव-पुराडा नाल्यावर दुचाकीसह पुराच्या पाण्यात बुधवार २३ जुलै रोजी वाहून गेले होते.पुराच्या पाण्यात वाहून जात असतांना काही नागरिकांनी प्रत्यक्ष बघितले होते.त्यानुसार याबाबत बेळगाव पोलिसांना माहिती देण्यात आली.बेळगाव पोलिसांनी २४ जुलै रोजी शोधमोहीम राबवली असता दुचाकी आढळून आली. मात्र,दोघे आढळून आले नसल्याने परत शोधमोहीम राबविण्यात आली.अखेर आज,शनिवार २६ जुलै रोजी पुराच्या पाण्यात वाहून गेलेल्या दोघांचेही मृतदेह सापडले.तलवारशहा मडावी वय ४५ वर्षे व देवसाय मडावी वय ६० वर्षे अशी पुराच्या पाण्यात वाहून मृत पावलेल्या मृतकांची नावे असून दोघेही कोरची तालुक्याच्या सोनपूर येथील रहिवासी होते.पुढील तपास बेळगाव पोलीस प्रशासन करीत आहे.