मोठी बातमी.. जगदीप धनखड यांनी उपराष्ट्रपती पदाचा दिला राजीनामा..

उद्रेक न्युज वृत्त :-प्रकृतीच्या कारणास्तव

देशाचे उपराष्ट्रपती जगदीप धनखड यांनी आज, सोमवार २१ जुलै रोजी राष्ट्रपती द्रौपदी मुर्मु यांना पत्र लिहून राज्य घटनेतील कलम ६७(अ) नुसार तात्काळ प्रभावाने आपल्या पदाचा राजीनामा दिला आहे.

राजस्थानमधील झुंझुनू जिल्ह्यात जन्मलेल्या जगदीप धनखड यांनी १९८९ मध्ये खासदार म्हणून राजकीय कारकीर्दीला सुरुवात केली होती.पुढे जनता दल, काँग्रेस आणि भाजपा असा प्रवास करत २०१९ मध्ये ते पश्चिम बंगालचे राज्यपाल बनले होते.तर २०२२ मध्ये त्यांची देशाचे उपराष्ट्रपती म्हणून निवड झाली होती.त्यांच्या राजीनाम्यामुळे आता उपराष्ट्रपती पदासाठी लवकरच निवडणूक होणार आहे. उपराष्ट्रपती जगदीप धनखड हे राज्यसभेचे सभापती होते.संसदेचे आजपासून पावसाळी अधिवेशन सुरु झाले आहे.पावसाळी अधिवेशनाच्या पहिल्याच दिवशी उपराष्ट्रपतींनी राजीनामा दिला आहे.त्यामुळे आता राज्यसभेचे उपसभापती हरिवंश नारायण सिंह हे तात्पुरते काम पाहतील.धनखड यांनी राष्ट्रपती द्रौपदी मुर्मू यांच्याकडे आपला राजीनामा सुपूर्द केला आहे.आपण आरोग्य आणि डॉक्टरांच्या सल्ल्यामुळे ते हे पद सोडत आहोत,असे धनखड यांनी म्हटले आहे.