हॉटेल व्यावसायिकांची चिंता वाढणारी बातमी; गॅस सिलेंडर आणखी झाला महाग..

उद्रेक न्युज वृत्त :-हॉटेल व्यावसायिकांसाठी केवळ चिंता वाढणारीच बातमी नाही,तर त्यांच्या व्यवसायावर तसेच आर्थिक बाबींवर महागाईचा दबाव वाढून कंबरडे मोडण्याचा खेळ सुरू झाल्याचे चित्र निर्माण झाले आहे. विशेष म्हणजे,महिन्याच्या सुरुवातीलाच तेल कंपन्यांनी व्यावसायिक एलपीजी गॅस सिलिंडरच्या दरात पुन्हा वाढ करून महागाईचा आणखी एक मोठा झटका दिला आहे. यामुळे १९ किलोच्या व्यावसायिक गॅस सिलिंडरची किंमत ४३.५० रुपयांनी वाढून ३ हजार २९१.५० रुपयांवर पोहोचली आहे.यापूर्वी ४ मे २०२६ रोजी गॅस सिलिंडरची किंमत ३ हजार २४८ रुपये होती. हप्त्याहप्त्याने वाढणाऱ्या सिलिंडरच्या दरांचा सर्वाधिक फटका हॉटेल व्यावसायिक आणि उद्योजकांना बसत आहे.दरवाढीमुळे हॉटेल,रेस्टॉरंट,ढाबे आणि इतर व्यावसायिक आस्थापनांच्या खर्चात वाढ होण्याची शक्यता निर्माण झाली आहे.यापूर्वीच अनेक हॉटेल व्यावसायिकांनी खाद्यपदार्थांसोबतच चहाच्या दरातही वाढ केली आहे.सिलिंडर,डिझेल आणि पेट्रोलच्या वारंवार होणाऱ्या दरवाढीमुळे महागाई आणखी भडकत असल्याचे चित्र आहे.त्यातच,खाद्य तेल,डाळी आणि विविध साहित्यांचे दर भडकू लागल्याने युद्ध पाहला इराण आणि अमेरिकेचा अन् फटका बसू लागलाय भारताला.वाढत्या महागाईवर नियंत्रण मिळवण्यात सरकार अपयशी ठरू लागल्याची भावना जनसामान्यांतून उमटू लागल्या आहेत.