कुरखेडा-न्हानी फाट्याजवळ झालेल्या अपघातात एकाचा मृत्यू तर एकजण गंभीर जखमी..

कुरखेडा(गडचिरोली):-कुरखेडा शहरापासून देसाईगंज मार्गे अवघ्या तीन किलोमिटर अंतरावर असलेल्या न्हानी फाट्याजवळ काल,गुरुवार १७ एप्रिलच्या रात्री ८.३० वाजेच्या दरम्यान झालेल्या पिकप वाहन व दुचाकी अपघातात एकाचा उपचारादरम्यान कुरखेडा उपजिल्हा रुग्णालयात मृत्यू झाला तर अपघातातील गंभीर जखमी तरुणास गडचिरोली रुग्णालयातून नागपूरला हलविण्यात आले आहे.गुड्डू बेनिराम सहारे असे मृत पावलेल्या व्यक्तीचे नाव आहे तर राजेंद्र बोरकर असे गंभीर जखमी तरुणाचे नाव आहे.

माहितीनुसार,कुरखेडा-न्हानी फाट्याजवळ काल गुरुवारच्या रात्री ८.३० वाजेच्या दरम्यान पिकप वाहन व दुचाकी यांच्यात जोरदार धडक झाली.अपघातात दोन दुचाकीस्वार गंभीर जखमी झाले होते.यात गुड्डू बेनिराम सहारे व राजेंद्र बोरकर यांना जबर मार लागल्याने नागरिकांनी घटनास्थळी धाव घेत लगेच अपघाताची माहिती १०८ वर कळवून जखमींना प्राथमिक उपचाराकरिता सर्वप्रथम कुरखेडा उपजिल्हा रुग्णालयात दाखल करण्यात आले.अशातच गुड्डू बेनिराम सहारे यांचेवर कुरखेडा उपजिल्हा रुग्णालयात उपचार होते.तर राजेंद्र बोरकर यांना रात्रीच जिल्हा सामान्य रुग्णालय गडचिरोली येथे रेफर करण्यात आले.अशातच गुड्डू सहारे यांचा उपचारादरम्यान मृत्यू झाला तर राजेंद्र बोरकर यांना गडचिरोली रुग्णालयातून नागपूरला हलविण्यात आले आहे.

अपघाताची घटना घडताच पिकप वाहन चालक घटनास्थळावरून पसार झाला होता.अशातच काहींनी पिकप वाहनाची मोबाईलमध्ये फोटो काढून घेतली,वाहन क्रमांक-एम एच ३० बीडी २८६० असे घटना स्थळावरून पसार झालेला पिकप वाहन आहे.घटनेची माहिती कळताच कुरखेडा पोलिसांनी घटनास्थळ गाठून पंचनामा करीत घटनास्थळावरून पसार वाहनाच्या शोधात आहेत.घटनेचा पुढील तपास कुरखेडा पोलीस प्रशासन करीत आहे.