नागपूर हिंसाचारातील फहीम खानच्या अडचणीत वाढ; दोन दिवसांचा पीसीआर..

यापूर्वी न्यायालयाने गणेशपेठ पोलिसांना फहीमचा ३१ मार्चपर्यंत पीसीआर (पोलिस कोठडी) दिला होता. त्यानंतर त्याला ‘एमसीआर’ मध्ये (न्यायालयीन कोठडी) पाठविण्यात आले होते.त्यावेळी पोलिसांनी फहीमचा पीसीआर मागण्याचा अधिकार राखीव ठेवला होता.त्यानुसार काल मंगळवारी सायबर पोलिसांनी फहीमला न्यायालयात हजर करून चार दिवसांचा पीसीआर मागितला.परंतु,न्यायालयाने विविध बाबी लक्षात घेता केवळ दोन दिवसांचा पीसीआर मंजूर केला आहे.फहीमतर्फे ॲड.अश्विन इंगोले यांनी बाजू मांडली.फहीमने सत्र न्यायालयात जामीन अर्ज दाखल केला आहे.त्यावर राज्य सरकारने दोन आठवड्यांपासून उत्तर सादर केले नाही.त्यामुळे सत्र न्यायाधीश आर.जे.पवार यांनी काल मंगळवारी जामीन अर्जावरील सुनावणी १७ एप्रिलपर्यंत तहकूब केली.याशिवाय,समान कारणामुळे फरार आरोपी मो.हरीश मो.इस्माईल, मो.शाहनवाज शेख मो.अर्शद शेख,मो.युसुफ शेख व नझीम सलीम शेख यांच्या अटकपूर्व जामीन अर्जावरही याच दिवशी पुढील सुनावणी निश्चित करण्यात आली आहे.