आमदार रामदास मसराम यांच्या हस्ते कोंढाळा देवस्थान परिसरात संरक्षण भिंत बांधकामाचे भूमिपूजन..

देसाईगंज(गडचिरोली):-देसाईगंज तालुक्याच्या कोंढाळा येथे आरमोरी विधानसभा क्षेत्राचे आमदार रामदास मसराम यांच्या हस्ते गावातील दत्त मंदिर देवस्थान परिसरात नवीन संरक्षण भिंत बांधकामाचे भूमिपूजन काल,रविवार ३० मार्च रोजी विविध मान्यवर तथा गावातील प्रतिष्ठित नागरिकांच्या उपस्थितीत पार पडले.

गुढी पाडवा दिनाचे औचित्य साधून दत्त मंदिर देवस्थानात गुढी उभारून समाज प्रबोधन कार्यक्रमाचे आयोजन करण्यात आले होते.सायंकाळच्या सुमारास गोपालकाला तसेच प्रसाद वितरण प्रसंगी आमदार रामदास मसराम यांनी हजेरी लावली.अशातच कोंढाळा गावातील दत्त मंदिर देवस्थान परिसर खुले पटांगणात असल्याने संरक्षण भिंतीची निकड लक्षात घेता आमदार मसराम यांनी आपल्या स्थानिक आमदार निधीतून १० लक्ष रुपयांचे नवीन संरक्षण भिंत बांधकाम मंजूर करीत बांधकामाचे भूमिपूजन केले.नवीन संरक्षण भिंत बांधकामामुळे दत्त मंदिर देवस्थान परिसर सुशोभित होणार असून मोकाट जनावरे तसेच इतर बाबींपासून मंदिराचे संरक्षण होणार असल्याने आमदार मसराम यांचे दत्त मंदिर देवस्थान समिती तसेच ग्रामस्थांनी आभार व्यक्त केले. भूमिपूजन प्रसंगी गावच्या प्रथम नागरिक सरपंचा अपर्णा राऊत,उपसरपंच गजानन सेलोटे,माजी पंचायत समिती सभापती परसराम टिकले,माजी उपसभापती नितीन राऊत,पोलीस पाटील किरणताई कुंभलवार,देसाईगंज भाजपा तालुकाध्यक्ष सुनील पारधी,सामाजिक कार्यकर्ते अरुण कुंभलवार,माजी सरपंच कैलास राणे,धनपाल मिसार,पुंडलिक बुराडे, सागर वाढई, प्रा.पंकज धोटे,निलेश दुपारे,जयंत दुपारे, अथर्व राणे तसेच बहुसंख्य ग्रामस्थ उपस्थित होते.