‘शिवशस्त्र शौर्यगाथा’ प्रदर्शनी’; आज शिवरायांची वाघनखे बघता येणार निःशुल्क..

छत्रपती शिवाजी महाराजांनी अफजल खानाचा कोथळा काढलेली वाघनखे १७ जुलै २०२४ ला विशेष विमानाने लंडनहून मुंबईला आणण्यात आली होती.ही वाघनखे सर्वसामान्यांना पाहता यावीत यासाठी सातारा येथील छत्रपती शिवाजी महाराज प्राचीन वस्तू संग्रहालयात ठेवण्यात आली होती.

शिवाजी महाराजांनी वाघनखांच्या मदतीने स्वराज्यावर चाल करून आलेल्या अफजल खानाचा कोथळा काढला होता.इतिहासातील ही घटना अंगावर शहारा आणणारी आहे.शिवरायांची ही वाघनखे ब्रिटनच्या व्हिक्टोरिया अँड अल्बर्ट म्युझियमकडे होती.ही वाघनखे आता राज्य सरकारने महाराष्ट्रात आणली आहेत.वाघनखे मुंबईहून साताऱ्यात आणून  हिंदवी स्वराज्याच्या छत्रपती शिवाजी महाराज प्राचीन वस्तू संग्रहालयात जनतेला पाहण्यासाठी ठेवण्यात आली होती.त्यासाठी एक विशेष दालनही उभारण्यात आले होते.अशातच आता छत्रपती शिवाजी महाराजासह मराठा काळातील गौरवशाली इतिहासाचे प्रदर्शन करणाऱ्या या प्रदर्शनीत शिवाजी महाराजांचे खास हत्यार ‘वाघनखे’ ठेवले आहेत.याच वाघनखांनी अफजलखानाचा कोथळा बाहेर काढला होता,तसेच येथे अन्य मराठा काळातील हत्यार,प्रतापगड किल्ल्याची प्रतिकृती आणि त्यात केवळ अडीच इंचाची शिवाजी महाराजांची आकर्षक मूर्ती पाहण्यासारखी आहे. नागपुरात प्रदर्शनी सुरु झाल्यापासून आतापावेतो ७ हजारांपेक्षा जास्त लोकांनी ही प्रदर्शनी बघितली आहे.आज बुधवारी शिवाजी महाराजांची जयंती असल्यामुळे आणि सुटीचा दिवस असल्यामुळे मोठ्या संख्येत नागरिक प्रदर्शनी बघायला येण्याची शक्यता आहे.