कारसह तीन तरुणांचा विहिरीत पडून मृत्यू…

नागपूर :-कारसह तीन तरुणांचा विहिरीत पडून मृत्यू झाल्याची घटना नागपूरच्या बुटीबोरी एमआयडीसी परिसरात काल,सोमवारच्या रात्री ११ वाजेच्या सुमारास घडली.घटना घडताच बघ्यांनी गर्दी केली.घटनेबाबत पोलिसांना कळताच बुटीबोरी पोलिसांकडून तातडीने  बचावकार्य सुरू होते.कार आणि मृतदेह बाहेर काढण्यात आले असून मृतदेह शवविच्छेदनासाठी पाठवण्यात आले आहेत. रस्त्यालगतच असलेल्या विहिरीला कठडा नसल्याने रस्त्यावरून अनियंत्रित कार थेट विहिरीत गेली.कार विहिरीत कोसळल्यानंतर गाडीतील तरुणांना बाहेर पडता आले नाही.तिघेही आतच अडकले होते.त्यामुळे तिघांचाही घटनास्थळीच मृत्यू झाला.अपघाताची माहिती मिळताच स्थानिकांनी घटनास्थळी धाव घेतली.बुटीबोरी पोलीसही घटनास्थळी दाखल झाले.तरुणांना बाहेर काढण्यासाठी तातडीने बचावकार्य सुरू करण्यात आले.रात्रभर बचावकार्य सुरू होते.अपघात घडण्यामागचे नेमके कारण अद्यापही कळू शकले नाही.मात्र,कार शिकत असतांना चालकाचे नियंत्रण सुटून अपघात घडला असावा,असा अंदाज वर्तविण्यात येत आहे.मृतांची नावे अद्यापही स्पष्ट व्हायची असल्याने नावे कळू शकली नाही.