हुलकावणी देणाऱ्या दारू तस्कराच्या आवळल्या मुसक्या; चारचाकी वाहनासह २५ पेट्या देशी दारु जप्त… – देसाईगंज-कुरखेडा पोलिसांची संयुक्त कारवाई..

देसाईगंज(गडचिरोली):-आरमोरी मार्गावरुन देसाईगंजच्या दिशेने एका चारचाकी वाहनातून दारुची तस्करी होत असल्याची माहिती देसाईगंज पोलीस ठाण्याचे पोलिस हवालदार शैलेश तोरपकवार यांना मिळताच सदरची माहीती देसाईगंजचे ठाणेदार अजय जगताप यांना देताच हुलकावणी देणाऱ्या दारू तस्कराच्या मुसक्या आवळण्यात पोलिसांना यश आले आहे.देसाईगंज-कुरखेडा पोलिसांनी संयुक्त कारवाई करीत चारचाकी वाहनासह २५ पेट्या दारु जप्त केली.

पोलीसांनी दिलेल्या माहितीनुसार,काल,सोमवार २० जानेवारीला सिल्वर रंगाच्या चारचाकी वाहनातुन दारुची तस्करी होत असुन ते वाहन आरमोरी मार्गाने देसाईगंजच्या दिशेने येत असल्याची माहिती पोलीस हवालदार शैलेश तोरकपवार यांना मिळताच त्यांनी देसाईगंज पोलिस निरिक्षक अजय जगताप यांना दिली.जगताप यांनी ताफ्यासह सहाय्यक पोलीस निरीक्षक मनिष गोडबोले,पोलीस उपनिरिक्षक परदेशी यांना सोबत घेतले.तर दुसऱ्या पिकअप वाहनात पोलिस अंमलदार शैलेश,पो.हवा.राकेश.पो.हवा. नितेश यांना तैनात केले.पोलीस मागावर असल्याची खबर दारू तस्करास होताच त्यांनी मार्ग बदलून दारू असलेले वाहन सुसाट वेगाने शंकरपुर ते कुरखेडा मार्गाने पळविले. पिकअप वाहन मागावर असतांना सदरचे वाहन कुरखेडा पोलिसांच्या हद्दीत शिरले. अशातच सदरचे वाहन कढोली मार्गाने जात असल्याची माहिती अजय जगताप यांनी कुरखेडा पोलीस ठाण्याचे ठाणेदार वाघ यांना दिली.वाघ यांनी क्षणाचाही विलंब न करता कढोली गावचे पोलिस पाटिल यांना गावकऱ्यांच्या मदतिने वाहन थांबवण्याच्या सुचना दिल्या.पोलिस पाटिल व गावकऱ्यांनी ट्रक्टर,टायर व मोटार सायकल रस्त्यावर आडवे करुन रस्ता रोखला. सदर बाब लक्षात येताच दारु तस्कराने वाहन सोडुन पळ काढला.देसाईगंज पोलिस व कुरखेडा पोलिस यांनी वाहणाची झडती घेतली असता,त्यात २५ पेट्या देशी दारु आढळुन आली.सदरचे वाहन कुरखेडा पोलिस हद्दीत जप्त करण्यात आल्याने कुरखेडा पोलिसांनी ताब्यात घेतले आहे.सदर घटनेची माहिती गडचिरोलीचे पोलिस अधिक्षक निलत्पल यांना कळविण्यात आली असुन त्यांचे मार्गदर्शनासह अप्पर पोलिस अधिक्षक एम. रमेश, उपविभागिय पोलिस अधिकारी रविन्द्र भोसले यांचे मार्गदर्शनात दारु तस्करीची सखोल चौकशी सुरु असुन पळुन गेलेल्या दारु तस्करांना लवकरच गजाआड करण्यात येईल,अशी माहिती अजय जगताप यांनी दिली.