चालकाचा ताबा सुटला; अनियंत्रित ट्रक नाल्यात उलटला..

नागपूर :-सुसाट वेगाने वाहने पळवणाऱ्यांची संख्या झपाट्याने वाढत आहे; वेगात असलेले वाहन एकाएकी नियंत्रित न होता अनियंत्रित होऊन अपघात घडत असतात.तरीही अनेकजण अनभिज्ञ झाल्यासारखे वागतांना दिसून येतात.असाच प्रकार नागपूर-जबलपूर महामार्गावरील चोरबाहुली शिवारात काल,शनिवारी उघडकीस आला.चालकाचा ताबा सुटल्याने अनियंत्रित झालेला ट्रक महामार्गालगतच्या नाल्यात उलटला. अपघातात जीवितहानी टळली.मात्र, ट्रकचे मोठे नुकसान झाले.चालकाचा वाहनावरील ताबा सुटल्याने अनियंत्रित झालेला ट्रक महामार्गाच्या खाली नाल्यात उलटला.यात ट्रकचे मोठ्या प्रमाणावर नुकसान झाले असून,चालकास किरकोळ दुखापत झाली.घटनेची माहिती मिळताच ओरिएंटल टोल प्लाझावरील रुग्णवाहिका चमूचे डॉ.हनवत व चालक भिमटे यांनी घटनास्थळ गाठून जखमी चालकास ग्रामीण रुग्णालयात उपचारार्थ दाखल केले.