मी,रामदास मानकुबाई मळूजी मसराम…ईश्वर साक्ष शपथ घेतो की… – आरमोरी विधानसभा क्षेत्राचे आमदार रामदास मसराम यांनी विधानसभा सदस्यत्वाची घेतली शपथ…

देसाईगंज(गडचिरोली):-नुकतेच काल शनिवार पासून विधानसभेचे विशेष अधिवेशन मुंबई येथे सुरू झाले असून आज रविवारी महाविकास आघाडी आणि महायुतीच्या उर्वरित आमदारांचा शपथविधी सोहळा संपन्न झाला.अशातच आज,रविवार दिनांक-८ डिसेंबरला गडचिरोली जिल्ह्याच्या आरमोरी विधानसभा क्षेत्राचे नवनिर्वाचित आमदार रामदास मसराम यांनी संविधानाचे पुस्तक हातात घेत विधानसभेच्या सदस्यत्वाची शपथ घेतली.

राज्यातील विधानसभा निवडणुकीचे मतदान २० नोव्हेंबरला तर मतमोजणी २३ नोव्हेंबरला पार पडून

कुठलीही सत्ता व पद नसतांना लोकसेवेचा वसा जपणारे आरमोरी विधानसभा क्षेत्राचे महाविकास आघाडीचे काँग्रेसचे उमेदवार रामदास मसराम यांना जनतेंनी पसंती दिली व आरमोरी विधानसभा मतदारसंघातून मसराम यांना ६ हजार २१० मतांनी विजयी केले.रामदास मसराम यांना ९८,५०९ तर विरोधी महायुतीचे दोनदा आमदार राहिलेले भाजपचे उमेदवार कृष्णा गजबे यांना ९२,२९९ मते मिळाली होती.एकूण चुरशीच्या झालेल्या या निवडणुकीत कृष्णा गजबे यांचे मताधिक्य मागील निवडणुकीपेक्षा यावेळी कमी झाल्याचे दिसून आले.