ग्रामपंचायतीत रोजंदारी मजूर असलेल्या तरुणाने घेतला गळफास..

चंद्रपूर :-आई शेतीच्या कामासाठी शिवारात गेली. पत्नीने पतीला जेवण वाढून मुलीला अंगणवाडीत गेल्याचे पाहून विवाहित युवकाने पाळण्याच्या दोरीने घरीच गळफास घेतला असल्याची घटना काल, शुक्रवारी २२ नोव्हेंबरच्या दुपारी १२:१५ वाजता बल्लारपूर तालुक्यातील विसापूर (वस्ती) येथे घडली.

पवन दिवाकर थेरे वय २८ वर्षे,रा.विसापूर असे आत्महत्या करणाऱ्या तरुणाचे नाव आहे.दिवाकर थेरे हा ग्रामपंचायतीत रोजंदारी मजूर म्हणून कामाला होता.यामुळे पत्नी कालेश्वरी व दोन लहान मुलींचे संगोपन करण्यात अडचण येत होती; अशी नागरिकांत चर्चा आहे.काल शुक्रवारी मृतकाची आई नेहमीप्रमाणे शेतीच्या कामाला गेली.वडील गोठ्यातील जनावरांना पाणी देण्यासाठी गेले. पत्नीने मुलीला अंगणवाडीत सोडण्यापूर्वी पवनला जेवण वाढले.जेवण करत असतांना ती अंगणवाडीत गेली.दरम्यान,त्याने पाळण्याच्या दोरीने गळफास घेतला.त्याच्या पश्चात आई-वडील,पत्नी,दोन चिमुकल्या मुली व मोठा आप्त परिवार आहे.सदर घटनेचा पुढील तपास पीएसआय संतोष एनगंधेवार यांच्या नेतृत्वात जमादार जीवन पाल,विजय वैद्य करीत आहेत.