उद्रेक न्युज वृत्त
भंडारा :- पवनी येथील दिवानघाटावर गांजा सेवन करणाऱ्या एका २५ वर्षीय तरुणाला रंगेहात पकडून गुन्हा दाखल करण्यात आला.कृपाल श्यामराव कामथे रा.विठ्ठल गुजरी वॉर्ड पवनी असे गुन्हा दाखल झालेल्या तरुणाचे नाव आहे.याबाबत असे की,पवनी येथे सार्वजनिक ठिकाणी गांजांचे सेवन होत असल्याच्या तक्रारी होत्या.पवनीचे पोलिस उपनिरीक्षक जितेंद्र तिजारे हे आपल्या चमूसह गस्तीवर असताना दिवानघाट येथे कृपाल कामथे हा मातीच्या चिलममध्ये गांजा भरून सेवन करताना दिसून आला.त्याची अंगझडती घेण्यात आली. त्यावेळी एक मातीची चिलम,आगपेटी,एक सुती कापडाचा लहान तुकडा,मातीच्या चिलममधील जळालेली भुकटी आढळून आले.सदर साहित्य पंचासमक्ष सीलबंद करण्यात आले. जप्ती पत्रकाप्रमाणे कृपाल कामथे याचे वैद्यकीय प्रशिक्षण करून रक्ताचे नमुने प्राप्त करण्यात आले.पोलिस उपनिरीक्षक जितेंद्र तिजारे यांची तक्रार व वैद्यकीय अहवालावरून पवनी पोलिसांनी कृपाल कामथे याच्याविरुद्ध एनडीपीसच्या कलम २७,२९ अन्वये गुन्हा नोंदविण्यात आला.तपास सहायक पोलिस निरीक्षक राऊत करीत आहे.
