साखरपुड्याचा कार्यक्रम आटोपला; लग्नात क्रेटा गाडी किंवा १५ लाख रुपये द्या म्हणून लग्न मोडला.. – ६ जणांवर हुंडा प्रतिबंधक कायद्यानुसार गुन्हा दाखल..

गोंदिया :-साखरपुड्याचा कार्यक्रम आटोपल्यावर हुंड्याच्या स्वरूपात क्रेटा गाडी किंवा १५ लाख रुपये द्या,अशी मागणी करीत उपवराकडील मंडळींनी लग्न मोडले.यासंदर्भात काल,शनिवारी २२ फेब्रुवारीला ग्रामीण पोलिसांनी गुन्हा दाखल केला आहे.

ग्राम चांदणीटोला येथील २६ वर्षीय मुलीसोबत भंडारा जिल्ह्यातील साईमंदिर रोड विनोबा नगर तुमसर येथील मुलगा नितीन बाबुलाल उपराडे वय ३४ वर्षे याचे लग्न जुळले होते.रीतिरिवाजाप्रमाणे ३१ जानेवारी रोजी साखरपुड्याचा कार्यक्रम आटोपला. लग्नात क्रेटा गाडी किंवा १५ लाख रुपये द्या,अशी मागणी मुलाकडील मंडळीकडून करण्यात आली. मुलीकडील मंडळींनी हुंडा देण्यास नकार देताच मुलाकडून ते लग्न मोडले.या घटनेसंदर्भात काल २२ फेब्रुवारी रोजी आरोपी मुलगा नितीन उपराडे,त्याची आई सुशीला बाबुलाल उपराडे वय ५५ वर्षे,बहीण प्रेरणा अरुण तिवडे वय ३० वर्षे, रा.साईमंदिर रोड विनोबा नगर,तुमसर,मुलाचा मामा भागचंद गराडे वय ५० वर्षे,रा.कारंजा, ता.जि.गोंदिया, पुरुषोत्तम दमाहे वय ५५ वर्षे,रा.गणेश लॉनचे मागे, तुमसर,सेवक चिखलोंडे वय ५४ वर्षे,रा.जब्बारटोला, ता.जि.गोंदिया या सहा जणांवर हुंडा प्रतिबंधक कायदा कलम ४ अन्वये गुन्हा दाखल करण्यात आला आहे.पुढील तपास हवालदार देवाजी बहेकार करीत आहेत.२२ जानेवारी रोजी सेवक चिखलोंडे याच्या मार्फतीने लग्न जुळले होते. आरोपी नितीन बाबुराव उपराडे हा बंगळुरू येथे सॉफ्टवेअर इंजिनिअर आहे.