सहाय्यक धर्मादाय आयुक्तांना एका लकी ड्रॉ ने केले निलंबित..

गोंदिया :-जिल्ह्याच्या सामाजिक न्यास नोंदणी कार्यालयाच्या सहाय्यक धर्मादाय आयुक्त दिशा केशवराव पजई यांना महाराष्ट्र नागरी सेवा(वर्तणूक) नियम,१९७९च्या नियम १२,१३ व १९ चा भंग केल्याप्रकरणी त्यांना तात्काळ प्रभावाने निलबिंत करण्यात आले आहे.पजई ह्या परिवीक्षाधीन अधिकारी म्हणजेच शिकाऊ उमेदवार म्हणून कार्यरत आहेत.एका खाजगी ज्वेलर्सद्वारे लकी ड्रॉ आयोजित करण्यात आला होता.या लकी ड्रॉमध्ये परिविक्षाधीन सहाय्यक धर्मादाय आयुक्त दिशा पजई यांनी महिंद्र एक्स यू वी ७०० ही चारचाकी जिंकली.शासनाची पूर्वपरवानगी न घेता लकी ड्रॉ मध्ये चारचाकी वाहन मिळवून महाराष्ट्र नागरी सेवा वर्तणूक नियमाचा भंग केल्याने त्यांना निलंबित करण्यात आले आहे.निलबंन काळात त्यांचे मुख्यालय हे गोंदियाच राहणार आहे. निलंबनाच्या कालावधीत त्यांनी कोणत्याही प्रकारची खाजगी नोकरी केल्यास किंवा व्यवसाय केल्यास गैरवर्तणूकीसाठी दोषी समजण्यात येऊन उचित कार्यवाही करण्यात येणार आहे.निलंबनाने सर्वत्र खळबळ उडाली असून जिल्ह्यात एकच चर्चेचा विषय बनला आहे.