संपत्तीसाठी सासऱ्याच्या हत्येची सुपारी देणाऱ्या अर्चना पुट्टेवारला हायकोर्टाचा दणका..!

नागपूर :-गडचिरोलीच्या नगररचना विभागात सहाय्यक संचालक पदावर कार्यरत असणारी ५३ वर्षीय अर्चना मनीष पुट्टेवार हिला मुंबई उच्च न्यायालयाच्या नागपूर खंडपीठाने दणका देत जामीन अर्ज फेटाळून लावला आहे.सासऱ्याच्या हत्ये प्रकरणी अर्चनाच्या विरोधात विविध ठोस पुरावे आढळून आल्याने तसेच तिने अटक प्रक्रियेवर घेतलेले आक्षेपही निरर्थक आढळल्याने तिला दणका बसला आहे.सरकारच्या वतीने ॲड.नीरज जावडे यांनी बाजू मांडून अर्चनाला जामीन अर्ज मिळू नये,अशी भूमिका घेतली.

• संपत्ती हातातून जावू नये म्हणून हत्येचा रचला कट 👇

२२ मे २०२४ रोजी नागपुरच्या मानेवाडी परिसरात पुरुषोत्तम पुट्टेवार वय ८२ वर्षे हे सकाळच्या सुमारास फिरायला बाहेर पडले असता त्यांना एका अज्ञात कारने जोरदार धडक दिली होती.धडकेत त्यात त्यांचा जागीच मृत्यू झाला होता.अजनी पोलिसांनी सुरुवातीला अपघाती मृत्यू झाल्याची नोंद केली होती.या घटनेनंतर पुट्टेवार यांच्या भावाने पोलिसांकडे मृत्यूबाबत संशय व्यक्त केला.पोलिसांनी जेव्हा त्या दिशेने तपास सुरू केला तेव्हा धक्कादायक खुलासे समोर आले होते.पोलिसांनी सुरुवातीला परिसरातील सीसीटिव्हीची पडताळणी करण्यास सुरुवात केली. त्यानंतर त्यांनी कार ड्रायव्हर नीरज निमजे आणि सचिन धार्मिक यांना ताब्यात घेतले व त्यांची चौकशी करण्यात आली.तेव्हा त्यांनी धक्कादायक खुलासा केला.कार चालक आणि त्याच्या सहकाऱ्याने अर्चना पुट्टेवार यांनी पैसे देऊन त्यांच्या सासऱ्यांचा अपघात घडवून आणण्यास सांगितले होते.त्यांचा हा खुलासा ऐकुन पोलिसांनाही धक्का बसला होता. त्यानुसार पोलिसांनी सुपारी किलिंग प्रकरणात अर्चना पुट्टेवारसह तिचा भाऊ सूक्ष्म,लघू आणि मध्यम उद्योग विभागाचा संचालक प्रशांत पार्लेवार,आर्किटेक्ट पायल नागेश्वर,नीरज निमजे,सचिन धार्मिक व सार्थक बागडे सर्वांना अटक केली.घटना घडली त्यावेळी अर्चना  पुट्टेवार ही गडचिरोली येथील नगररचना विभागात सहाय्यक संचालक पदावर कार्यरत होती.सुरुवातीला सासऱ्यांचा अपघाती मृत्यू झाल्याचा बनाव केला. मात्र,एक संशय आणि सुनेचा संपूर्ण प्लानच चौपट झाला.मृतक पुरुषोत्तम यांच्या ३०० कोटी रुपयांच्या संपत्तीवर सून अर्चना हिची नजर होती.पुरुषोत्तम हे मुलगी योगिता आणि तिच्या मुलांच्या नावे संपत्ती करणार असल्याची कुणकुण अर्चना पुट्टेवारला लागली होती.त्यामुळे संपत्ती हातातून जावू नये; यासाठी तिने हा सगळा कट रचला होता.