वीज कर्मचाऱ्याला गावातील खांबाला बांधणारे  सरपंच अद्यापही फरारच..-वीज कर्मचाऱ्यांची अटक करण्याची मागणी..अन्यथा काम बंद आंदोलन

उद्रेक न्युज वृत्त

 घुग्घुस(चंद्रपूर) :- नकोडा येथील सरपंच किरण बांदूरकर यांनी शनिवारी दि.१५ जून रोजी वीज वितरणच्या कर्मचाऱ्याला गावातील वीज खांबाला बांधले तसेच अश्लील शिवीगाळ केली.या प्रकरणी घुग्घुस पोलिस स्टेशनमध्ये तक्रार दाखल केल्यानंतर गुन्हा दाखल करण्यात आला आहे.मात्र सरपंच फरार आहे.जोपर्यंत सरपंच तसेच अन्य दोघांना अटक करण्यात येणार नाही; तोपर्यंत घुग्घुस केंद्राच्या वीज कर्मचाऱ्यांनी काम बंद आंदोलन करण्याचा इशारा सहायक अभियंता तसेच ठाणेदाराला निवेदनाद्वारे दिला आहे.

सरपंच बांदूरकर यांच्याविरुद्ध गुन्हा दाखल झाल्यानंतर फरार आहे.तीन दिवस होऊनही अटक करण्यात आली नसल्याने कर्मचाऱ्यांमध्ये संताप व्यक्त केला जात आहे.कर्मचाऱ्यांच्या इशाऱ्यामुळे घुग्घुस परिसरातील वीज समस्या उद्भवल्यास मोठी अडचण निर्माण होण्याची शक्यता नाकारता येत नाही.