वाळू माफियांना जिल्हाधिकाऱ्यांचा दणका..! – तब्बल ३ हजार ३०० नोटिसा बजावून १५० कोटी रुपयांचा दंड..

बीड :-अवैध वाळू उपसा करून गब्बर बनू पाहणाऱ्या माफियांना बीड जिल्हाधिकाऱ्यांनी चांगलाच दणका दिला आहे.जिल्ह्यातील एकही ठेका दिलेला नसतांना हजारो ब्रास वाळूची वाहतूक झाल्याचे पाडळशिंगी (ता.गेवराई)येथील टोलनाक्यावरील सीसीटीव्ही फुटेजच्या माध्यमातून समोर आले.त्यानंतर ४० टिप्पर मालकांना बीडचे जिल्हाधिकारी अविनाश पाठक यांनी तब्बल ३ हजार ३०० नोटिसा बजावून खुलासे मागविले.खुलासे अमान्य केल्यानंतर तब्बल १५० कोटी रुपयांचा दंड लावण्यात आला.आता ही दंडाची रक्कम संबंधित वाळू माफियांच्या मालमत्तांवर बोजा म्हणून नोंद करण्याची प्रक्रिया सुरू झाली आहे. बहुतांशी टिप्पर मालक बीड व गेवराई तालुक्यातील आहेत.बीडचे तहसीलदार चंद्रकांत शेळके, गेवराईचे तहसीलदार खोमणे यांनी संबंधित तलाठ्यांना याबाबत पत्र दिले असून बोजा चढविण्याचे आदेश त्यात आहेत.संतोष देशमुख हत्या प्रकरणानंतर जिल्ह्यातील कायदा व सुव्यवस्था,वाळू माफियागिरी,अवैध शस्त्रे,शेकडो शस्त्र परवाने तसेच परळीतील राख माफियागिरी चव्हाट्य आली.यानंतर जिल्हाधिकारी पाठक यांनी या वाळू वाहतुकीचे पाडळशिंगी टोलनाक्यावरील सीसीटीव्ही फुटेज तपासले.४० माफियांना दंडाची नोटीस बजावली.याविरोधात हायवा मालक न्यायालयात गेल्यानंतर पुन्हा नव्याने नोटिसा बजावून ही प्रक्रिया पुढे सुरू ठेवण्यात आली.गौण खनिजाचा ट्रॉन्झिट पास व जीपीएस यंत्रणेचे अभिलेख, फास्ट टॅग स्टेटमेंट सादर करण्यासाठी जानेवारी महिन्यात निर्देशित केले होते.त्यानंतर या टिप्पर मालकांनी आपले खुलासे सादर केले.आपण दिलेली नोटीस मुदतबाह्य आहे,नोटिसा बाबत कोणतेही ठोस पुरावे नाहीत,सीसीटीव्ही फुटेज दिले नाहीत,टोलनाक्यावर राष्ट्रीय मार्ग पोलिस कर्मचारी