वाघाने महिलेच्या मानेला पकडून नेले फरफटत..

भंडारा :-नुकतेच ऐन गुढीपाडव्याच्या दिवशीच मोहफुले वेचण्यासाठी शेतशिवारात गेलेल्या एका ५० वर्षीय वसंत गणपत मेश्राम रा.बाम्पेवाडा,ता.साकोली,जि.भंडारा या शेतमजुरावर वाघाने अचानकपणे हल्ला चढवून ठार केल्याची घटना गुरुवार,१९ मार्च २०२६ रोजी दुपारच्या सुमारास भंडारा जिल्ह्याच्या साकोली तालुक्यातील बाम्पेवाडा वनपरिक्षेत्रांतर्गत येणाऱ्या उमरझरी-बाम्पेवाडा जंगल परिसरात घडली होती.सदरची घटना ताजी असतांनाच परत आज,शनिवार २८ मार्च रोजी सकाळी दहा वाजेच्या दरम्यान साकोली तालुक्याच्या उमरझरी शेत शिवारात मिरची तोडत असलेल्या शेतकरी महिलेवर वाघाने हल्ला चढवून गंभीर जखमी केल्याची घटना उघडकीस आली आहे.माया रामकृष्ण सोनवाने वय ४८ वर्षे, रा.उमरझरी,ता.साकोली असे वाघाच्या हल्ल्यात गंभीर जखमी झालेल्या शेतकरी महिलेचे नाव आहे.

अधिक माहिती अशी की,माया रामकृष्ण सोनवाने

आणि त्यांचे पती रामकृष्ण सोनवाने हे आज शनिवारच्या सकाळी उमरझरी शेत शिवारात शेतातील हिरव्या मिरच्या तोडत होते.अश्यातच शेतालगतच्या जंगल परिसरातून आलेल्या वाघाने अचानक माया सोनवाने यांच्यावर हल्ला केला आणि महिलेच्या मानेला पकडून अंदाजे दहा फूट अंतरापर्यंत फरफटत नेले.दरम्यान, जवळच असलेल्या रामकृष्ण यांनी आरडाओरडा केली असता बाजूच्या शेतात काम करणाऱ्या शेतकऱ्यांनी आरडाओरड करून वाघाला पळवून लावले.त्यानंतर गावातील नागरिकांना या घटनेची माहिती दिली.घटनेची माहिती मिळताच गावकऱ्यांनी घटनास्थळी धाव घेत गंभीर जखमी माया सोनवाने यांना खासगी वाहनाने तातडीने साकोली उपजिल्हा रुग्णालयात दाखल केले. तिथे प्राथमिक उपचार करून पुढील उपचारार्थ