वाघाच्या हल्ल्यात फरी येथील महिला ठार-देसाईगंज तालुक्यातील आजची घटना….

उद्रेक न्युज वृत्त

संपादक/सत्यवान रामटेके 

देसाईगंज :- तालुक्यातील फरी येथील महिला वाघाच्या हल्ल्यात ठार झाल्याची घटना आज ११ सप्टेंबर २०२३ रोजी ९ वाजेच्या सुमारास उघडकीस आली आहे.

वाघाच्या हल्ल्यात ठार झालेल्या महिलेचे नाव महानंदा दिनेश मोहुर्ले असून वय अंदाजे ५० वर्षे आहे.हल्ली शेतातील निंदणी सुरू आहे.तसेच पाऊस पडल्याने पाणी करण्यासाठी व इतर शेतातील कामे करण्यासाठी अनेक शेतकरी बांधव सकाळच्या सुमारास शेतावर जात असतात.अशातच काही महिन्यांपासून देसाईगंज तालुक्यातील काही गावांमध्ये वाघांची दहशत कमी झाली असल्याने अनेक नागरिक सुखावले होते.मात्र आज ९ वाजेच्या सुमारास फरी येथील महिला शेतामध्ये काम करत असतांना वाघाच्या हल्ल्यात मृत्यू झाल्याने परिसरातील नागरिक भयभीत झाले आहेत.वन विभागाने वाघांचा बंदोबस्त करावा; अशी मागणी जोर धरू लागली आहे.