लाच प्रकरणी दोन अधीक्षक,दोन कर्मचारी निलंबित..

नागपूर :-अधिकार क्षेत्राबाहेरील व्यवसायिकास भेट तसेच पैसे घेतल्याप्रकरणी नागपूरच्या आयुक्तालय कार्यालयातील केंद्रीय वस्तू आणि सेवा कर (सीजीएसटी) चे दोन अधीक्षक व दोन कर्मचारी निलंबित करण्यात आले आहे.एका व्यावसायिकाला धमकीवजा बोलणी करून पैसे उकळले आणि क्षेत्र नसलेल्या ठिकाणी भेट घेतल्याने या प्रकरणी व्यावसायिकाने तक्रार दाखल केली होती.

त्यानंतर सीसीएसटी गुप्तचर पथकाने चौकशी सुरू केली आणि कर्मचाऱ्यांच्या हालचालीवर लक्ष ठेवले होते.सीसीटीव्ही फुटेजनुसार या कर्मचाऱ्यांनीच लाच घेतल्याचे उघड झाले.चौकशी दरम्यान,कर्मचाऱ्यांनी समाधानकारक स्पष्टीकरण न दिल्याने प्रधान अधीक्षक अतुल रास्ते आणि आयुक्त अविनाश थेटे यांनी त्यांना निलंबित करण्याचे आदेश दिले.यात अधीक्षक विजय सुंदर आणि आयुष अग्रवाल, निरीक्षक पवन सुतार आणि पुष्पेन्द्रमणि त्रिपाठी अशी या निलंबित अधिकारी,कर्मचाऱ्यांची नावे आहेत.