राज्य महिला आयोगाच्या अध्यक्षा भंडारा जिल्हा दौऱ्यावर..

भंडारा :-येत्या,मंगळवार १७ फेब्रुवारी रोजी राज्य महिला आयोगाच्या अध्यक्षा रुपाली चाकणकर या भंडारा जिल्ह्याच्या दौऱ्यावर असणार आहेत.या दौऱ्यात महिलांच्या समस्यांचे निराकरण करण्यासाठी जिल्हा नियोजन भवन येथे सकाळी ११ वाजता विशेष जनसुनावणीचे आयोजन करण्यात आले आहे.या जनसुनावणीच्या माध्यमातून जिल्ह्यातील पीडित महिलांना आपले प्रश्न थेट आयोगासमोर मांडता येणार आहेत.यावेळी महिलांच्या विविध समस्यांवर निर्णय घेण्यात येणार आहे.या सुनावणीसाठी जिल्ह्यातील पीडित महिलांना कोणतीही पूर्वसूचना न देता प्रत्यक्ष उपस्थित राहता येईल.महिला त्यांच्या मालमत्ताविषयक तक्रारी,कौटुंबिक हिंसाचार किंवा इतर कायदेशीर समस्यांविषयीची प्रकरणे लेखी स्वरूपात आयोगापुढे सादर करू शकतील.महिलांच्या हक्कांचे संरक्षण आणि त्यांना न्याय मिळवून देण्याच्या उद्देशाने या सुनावणीचे आयोजन करण्यात आल्याची माहिती जिल्हा महिला व बाल विकास अधिकारी अरुण बांदुरकर यांनी दिली आहे.