भंडारा ऑर्डनन्स फॅक्टरीमध्ये भीषण स्फोट; एका कामगाराचा मृत्यू-आजची घटना..

उद्रेक न्युज वृत्त 

भंडारा : – शहरालगत असलेल्या जवाहरनगर येथील  ऑर्डनन्स फॅक्टरी(आयुध निर्माणी कंपनीत)आज दिनांक-२७ जानेवारी रोजी सकाळी नऊच्या सुमारास भीषण स्फोट झाला.यात एका कामगाराचा मृत्यू झाला.अविनाश मेश्राम असे मृत कामगाराचे नाव आहे.प्राप्त माहितीनुसार,सी एक्स विभागात हा स्फोट झाला आहे.अविनाश मेश्राम नेहमीप्रमाणे आज सकाळी पहिल्या शिफ्टमध्ये पहाटे ६ वाजता कामावर गेला असता अनपेक्षितपणे अडीच तासांतच ही घटना घडली.दरम्यान,स्फोट होताच ऑर्डनन्स फॅक्टरीमध्ये तारांबळ उडाली.स्फोटानंतर लागलेली आग फॅक्टरीचे अग्नीशमन दलाने तातडीने आटोक्यात आणली. यापूर्वी देखील भंडारा शहरालगत असलेल्या सनफ्लॅग कंपनीत स्फोटाची घटना घडली होती.त्यामध्ये तीन कर्मचारी जखमी झाले होते.यावर्षी भंडारा जिल्ह्यात घडलेली स्फोटाची ही दुसरी घटना आहे.