फुगा फुगवतांना तोंडातच फुटला; आठ वर्षीय चिमुकलीचा दुर्दैवी मृत्यू…

उद्रेक न्युज वृत्त :-लहान मुलांसोबत खेळत असतांना चिमुकलीला फुगा मिळाला.त्यातच फुगा फुगवत असतांनाच अचानकपणे फुगा तोंडातच फुटल्याने एका आठ वर्षीय चिमुकलीला आपला जीव गमावावा लागल्याची घटना आज,गुरुवार २७ मार्चला धुळे शहरातील साक्री रोडवरील यशवंत नगरात घडली. डिंपल मनोहर वानखेडे वय ८ वर्षे असे मृत पावलेल्या चिमुकलीचे नाव आहे.

डिंपल ही नेहमी प्रमाणे इतर मुलांसोबत घराबाहेर खेळत होती.यावेळी तिला घराजवळ पडलेला फुगा मिळाला.डिम्पलने फुगा घेतला आणि फुगवला. मात्र, फुगा फुगवतांना तोंडातच फुगा फुटला.अशातच चिमुकलीच्या घशात फुग्याचे तुकडे अडकले आणि तिला श्वास घेण्याचा त्रास होऊ लागला.त्यामुळे चिमुकली रडायला लागली.तितक्यातच मुलांनी पळत जाऊन तिची आई मनीषा यांना सदरचा प्रकार सांगितला.त्यांनी तात्काळ आपल्या खाजगी वाहनाने तिला रुग्णालयात नेले.मात्र,तोपर्यंत उशीर झालेला होता.रुग्णालयात दाखल करताच डॉक्टरांनी चिमुकलीला तपासणी असंती मृत घोषित केल्याने आईने रुग्णालयात एकच हंबरडा फोडला.घटनेने शहरात हळहळ व्यक्त केली जात असून शहर पोलिसांनी आकस्मिक मृत्यूची नोंद केली आहे.