उद्रेक न्युज वृत्त
गोंदिया :- अलीकडे गोंदिया पोलिस गुन्हेगार प्रवृत्तींच्या मुसक्या आवळण्यासाठी ॲक्शन मोडवर असले तरी गुन्हेगारांवर पोलिसांचे वचक राहिले नाही. अशीच परिस्थिती एका मागे एक घडत असलेल्या गैंगवारच्या घटनेवरून समोर येऊ लागली आहे. पंधरवड्यापूर्वीच छोटा गोंदिया येथे क्षुल्लक कारणावरून एका युवकाची हत्या करण्यात आली होती.या घटनेची शाई सुकली नाही की,त्याच परिसरातील राजाभोज चौक येथे दिवसाढवळ्या सकाळी ९.४५ सुमारास एका प्रॉपर्टी डिलरवर धारदार शस्त्राने प्राणघातक हल्ला करण्यात आला.
प्राणघातक हल्ल्याचा थरार अनेकांनी प्रत्यक्ष अनुभवला.याघटनेत जखमी प्रॉपर्टी डिलर महेशदखने हा अत्यवस्थेत असून अतिदक्षता कक्षात उपचार घेत आहे.या घटनेमुळे पुन्हा गोंदिया पोलिसांच्या कर्तव्यावर प्रश्नचिन्ह निर्माण होऊ लागले आहे.
छोटा गोंदिया येथील महेश दखने वय ३५ वर्षे हा युवक प्रॉपर्टी डिलरचा काम करतो.काल,दिनांक-९ जून रोजी सकाळी ९.४५ वाजता महेश दखने हा दुचाकी क्र.एमएच ३५/एवी-९५५० ने घरून बाहेर पडला.राजाभोज चौकातील जान्हवी ऑटो रिपेयरिंग सेंटर जवळ महेश दखने याच्यावर पाळत ठेवलेल्या आरोपींनी त्याचा घेराव केला.दरम्यान धारदार शस्त्र, दगड,कुन्हाड आदि शस्त्राने त्याच्यावर सपासप वार करणे सुरू केले.या घटनेत महेश दखने हा रक्ताच्या थारोळ्यात आरडाओरड करीत खाली पडला.भर चौकात दिवसाढवळ्या सुरू असलेला प्राणघातक हल्ल्याचा थरार परिसरातील अनेक नागरिकांनी प्रत्यक्ष अनुभवला.दरम्यान रक्ताच्या थारोळ्यात पडलेल्या महेश दखणे याचा मृत्यू झाल्याचे समजून आरोपींनी घटनास्थळावरून पळ काढले; जखमी महेश याला उपचारासाठी एका खासगी रुग्णालयात दाखल करण्यात आले.जखमी महेश याचे रक्त वाहून गेल्याने त्याची प्रकृती चिंताजनक असल्याचे सांगितले जात आहे.या घटनेमुळे पुन्हा गोंदिया शहरातील गुन्हेगारी आणि गँगवार उफाळून आल्याची चर्चा सुरू झाली आहे.गोंदिया पोलिस कितीही ॲक्शन मोडवर असले तरी गुन्हेगार प्रवृत्तीचे लोक पोलिसांना जुमानत नसल्याचेही परिचय देवू लागले आहे.या घटनेची नोंद गोंदिया शहर पोलिस ठाण्यात करण्यात आली आहे.
